By Hafnarfréttir 
Vegna þeirrar óvissu sem nú ríkir í samfélaginu hafa körfuknattleiksdeild Þórs í Þorlákshöfn og Friðrik Ingi Rúnarsson, þjálfari meistaraflokksliðs Þórs, ákveðið að slíta samstarfinu.
„Allt er gert í góðu samkomulagi beggja aðila,“ segir í tilkynningu Þórsara.
Friðrik Ingi tók við liði Þórs fyrir tímabilið sem nú er lokið vegna COVID-19 faraldursins og endaði liðið í 9. sæti Dominos deildarinnar.
Þá þakkar deildin Friðriki Inga fyrir góð störf og óskar honum velfarnaðar í komandi verkefnum.