Hafnarfrettir.is er ætluð til að þjóna íbúum Sveitarfélagsins Ölfuss og er síðan samfélagslegt verkefni sem hugsað er til að auka jákvæða ímynd samfélagsins, auka samfélagsþátttöku íbúa og að auðvelda íbúum og gestum sveitarfélagsins að nálgast upplýsingar um samfélagið.

Fréttatengdu efni um málefni sveitarfélagsins og menningu er gert hátt undir höfði og sérstaklega öllu því jákvæða sem um er að vera en að sjálfsögðu fjöllum við um allt fréttatengt efni sem tengist samfélaginu. Reynt verður eftir fremsta megni að höfða til allra íbúa með fjölbreyttu efni.

Við sem stöndum að síðunni erum tveir drengir sem uppaldir eru í Þorlákshöfn og höfum búið þar nær alla okkar ævi. Davíð Þór Guðlaugsson og Valur Rafn Halldórsson eru drengirnir sem bera ábyrgð á þessari síðu og munum við reyna okkar allra besta til að gleðja ykkur og fræða.

Við ítrekum að þetta er hugsað sem samfélagslegt verkefni sem íbúar sem og félagasamtök eru beðin um að taka þátt í. Því án ábendinga og þátttöku íbúa er síða sem þessi óþörf.

Einnig viljum við hvetja íbúa til að senda okkur aðsendar greinar og benda félagasamtökum á að við birtum allar auglýsingar, tilkynningar og fréttir frítt fyrir þau.