By Hafnarfréttir 
Hæfileikakeppni unglinga í grunnskólum Árnessýslu fer fram í fyrsta skipti 15. maí í Íþróttahúsinu í Þorlákshöfn. Keppnin heitir Skjálftinn og er að fyrirmynd Skrekks sem haldinn hefur verið í 30 ár fyrir ungmenni í grunnskólum Reykjavíkurborgar.
List fyrir alla er samstarfsaðili Skjálftans og síðustu vikur hafa dansarar á vegum List fyrir alla heimsótt Skjálfta skólana og unnið með þátttakendum í Skrekk og öðrum áhugasömum nemendum.
Mánudaginn 8. mars komu atvinnudansararnir Snædís Lilja Ingadóttir og Valgerður Rúnarsdóttir í Þorlákshöfn og hittu krakkana í Versölum í Ráðhúsi Ölfuss. Fyrst sýndu þær danslistaverk fyrir öll ungmenni á unglingastigi og spjölluðu um dans og hvernig það er að starfa við dans. Að því loknu héldu þær vinnusmiðju sem stóð yfir í eina og hálfa klukkustund og var hún í boði fyrir hópinn sem er að undirbúa atriði fyrir hönd Grunnskólans í Þorlákshöfn og aðra áhugasama.
Það var stórkostlegt að sjá hvað nemendurnir tóku virkan þátt og skemmtu sér vel og alveg víst að allir sem þar voru fengu verkfæri sem þau geta nýtt í sköpunar- og æfingarferlinu sem er framundan.
Meðfylgjandi eru myndir frá þessum viðburði og nánari upplýsingar um dansheimsóknina frá List fyrir alla má sjá hér: https://listfyriralla.is/event/dans-fyrir-alla-4/
Hægt er að fylgjast með Skjálftanum á
Instagram: https://www.instagram.com/skjalftinn/
Facebook: https://www.facebook.com/sudurlands.skjalftinn
