Meirihluti samgöngunefndar Alþingis mun leggja til að veggjöld verði tekin upp um allt landið til að fjármagna vegagerð. Frá þessu var greint í kvöldfréttum RÚV.

Elliði Vignisson, bæjarstjóri Sveitarfélagsins Ölfuss, tekur jákvætt í að veggjöld verði tekin upp um land þar sem tryggt verði að engin þurfi að borga meira en eitthvað ákveðið hámark á ári. Þetta kom fram í viðtali Morgunblaðsins við hann í dag.  

Sem dæmi sagði hann að „ef hver borg­ar ekki meira en því sem einn kaffi latte kost­ar á viku, um sex hundruð krón­ur, þá eru það 31.200 krón­ur.“

„Ef slík fjár­hæð, og jafn­vel þó hún væri eitt­hvað hærri, gæti hjálpað okk­ur að vinna þjóðvega­kerf­inu út úr þessu miðald­ar­ástandi sem nú er og yfir í það að þjón­usta all­an þann fjölda sem not­ar þetta í dag, þá finnst mér til mik­ils unnið,“ sagði Elliði í samtali við Morgunblaðið.

Á Facebook síðu sinni bætti Elliði við að „eitt af lykilatriðinu fyrir okkur hér er að samhliða uppbyggingu á Suðurlandsvegi verði Þrengslavegurinn tvöfaldaður. Ég ætlast til þess að það verði tryggt þegar þingsályktunartillaga verður samþykkt.“