By Hafnarfréttir 
Fullt nafn: Bæjardraugurinn Láki
Aldur: 72 ára
Fjölskylduhagir: Bý einn í myrkrinu
Starf: Hrekkjalómur
Hvað ertu búin að búa í Ölfusi í langan tíma? Hef búið hér frá því að bærinn byggðist eða frá 1951
Hver er uppáhalds maturinn þinn? Moldarhúðaður steinbítur
Áttu þér uppáhalds bók, hver er hún? Þjóðsögur Jóns Árnasonar
Hvaða kvikmynd getur þú horft á aftur og aftur? Mér finnst Ghostbusters mjög góð
Hvað hlustar þú mest á? Sjávarniðinn og lætin í vindinum
Hver er þinn uppáhaldsstaður í Ölfusi? Allir myrkir staðir
Hvernig hressir þú þig við þegar þess þarf? Ég kíki stundum í sund
Hver er þín helsta fyrirmynd? Kampholtsmóri
Hvaða lag fær þig til að dansa? Haunted með Taylor Swift
Hefur þú grátið af gleði? Ef svo, hvað aðstæður kölluðu fram gleðitárin? Ég græt alltaf af gleði á Þollóween
Hvað elskar þú við Ölfus? Þollóween
Hvað myndir þú vilja sjá í Ölfusi sem ekki er hér nú þegar? Skemmtistað fyrir drauga
Hver er uppáhalds æskuminningin þín? Þegar ég hræddi manneskju í fyrsta sinn
Hvert dreymir þig um að fara? Til Grindavíkur. Þar búa allar beinagrindurnar
Áttu þér uppáhalds mottó, eða einhver orð sem þú hefur í huga dags daglega? Passaðu að vera ekki eins og draugur upp úr öðrum draug
Hvað er framundan hjá þér? Nú ætla ég bara að njóta skammdegisins
Eitthvað að lokum? Takk fyrir að vera svona dugleg að taka þátt í Þollóween