By Hafnarfréttir 
Nú styttist óðum í undanúrslit Söngvakeppninnar á RÚV þar sem okkar maður, Júlí Heiðar Halldórsson, á lag í keppninni og það þriðja árið í röð.
Undanúrslitakvöldin eru tvö, það fyrra er laugardaginn 10. febrúar og það síðara þann 17. febrúar.
Dagur Sigurðsson flytur lag Júlís, Í stormi, á síðara kvöldinu og opnar miðasalan á morgun, 30. janúar, klukkan 12 á Tix.is.
Nú er ráð fyrir Ölfusinga og aðra áhugasama að næla sér í miða og fjölmenna í Háskólabíó og styðja við bakið á okkar hæfileikaríka manni en það er ekki sjálfgefið að koma inn lögum í keppnina þrjú ár í röð.