Shahid með 41 stig í góðum sigri Þórsara á Stjörnunni

Þórsarar unnu glæstan sigur á Stjörnunni í kvöld 128-104. Stigahæstur í liði Þórs var Vincent Malik Shahid með 41 stig og 13 stoðsendingar. Styrmir Snær Þrastarson skoraði 26 stig og tók 9 fráköst, Davíð Arnar Ágústsson skoraði 19 stig og Fotios Lampropoulos 16 stig og 11 fráköst. Þórsarar geta því farið sáttir inn í jólin en þetta var síðasti leikur í Subway deildinni fyrir jól. Næsti leikur er 30. desember á móti Grindavík.