Minningarmót um Gunnar Jón Guðmundsson

Hið árlega golfmót til minningar um Gunnar Jón Guðmundsson var haldið á Þorláksvelli 18.ágúst sl.

Minningarmótið er haldið árlega og rennur allur ágóði af mótinu í Minningarsjóð Gunnars Jóns, sem hefur það að markmiði að styrkja íþrótta- og æskulýðsstarf í Sveitarfélaginu Ölfus ásamt öðru forvarnarstarfi í leik- og grunnskólum á svæðinu.

Mjög góð þátttaka var í mótinu og komust færri að en vildu. Alls tóku 80 kylfingar þátt og skemmtu sér vel á flottum golfvellinum. Í mótslok var boðið uppá hamborgara frá 2Guys. Veitt voru verðlaun fyrir fyrstu þrjú sætin, nándarverðlaun á öllum par 3 brautum vallarins ásamt því að dregnir voru út fjölmargir vinningar úr skorkortum. 

Sigurvegarar mótsins í ár voru félagarnir Hallgrímur Þór Axelsson og Karl Fannar Gunnarsson en þeir spiluðu völlinn á 63 höggum nettó. Óskum við þeim innilega til hamingju með sigurinn.

Hér að neðan má sjá helstu úrslit mótsins:

1. The Chip in Dale´s  – 63 högg nettó
2. Guðmundsson/Ragnarsson – 66 högg nettó
3. Magnússon x 2  – 67 högg nettó

Næst holu á 2. braut            Elís Rúnar Elísson                     1,35     m (vann á hlutkesti)

                                           Matthías Orri Elíasson               1,35     m

Næst holu á 5. braut            Petrún Björg Jónsdóttir             4,04     m

Næst holu á 10. braut          Arnar Freyr Reynisson              2,28     m

Næst holu á 12. braut          Ingvar Jónsson                          3,49     m

Næst holu á 15. braut          Petrún Björg Jónsdóttir             0,32     m

Hallgrímur Þór Axelsson og Karl Fannar Gunnarsson, sigurvegarar mótsins.

Við setningu mótsins í ár var sameiginlegu körfuboltaliði Hamars / Þórs í meistaraflokk kvenna veittur styrkur úr Minningarsjóði Gunnars Jóns upp á 1 milljón króna. Stjórn Minningarsjóðs Gunnars Jóns ákvað að veita liðinu styrk fyrir frábæran árangur á liðnu tímabili þar sem stelpurnar gerður sér lítið fyrir og tryggðu sér sæti í Bónus deild kvenna á næstu leiktíð. Óskum við stelpunum í Hamar / Þór til hamingjum með góðan árangur.

Helga María Janusdóttir og Gígja Rut Gautadóttir, leikmenn meistaraflokks Hamars – Þórs, tóku við styrknum.

Minningarsjóður Gunnars Jóns Guðmundssonar vill koma á framfæri sérstökum þökkum til allra styrktaraðila mótsins sem og allra þátttakenda fyrir stuðninginn við mótið. 

f.h. Minningarsjóðs Gunnars Jóns

Guðmundur Baldursson