Grunnskólinn skorar á bæjarskrifstofuna í sjóboðsundkeppnina

 Grunnskólinn skorar á bæjarskrifstofuna í sjóboðsundkeppnina

Eins og Hafnarfréttir greindu frá í gær verður mikið um að vera á sjómannadaginn í Þorlákshöfn á sunnudaginn en þar á meðal er sjóboðsundkeppni þar sem fyrirtæki og stofnanir skora á hvort annað að taka þátt.

Leikskólinn skoraði í gær á grunnskólann sem að sjálfsögðu tók áskoruninni og nú skorar grunnskólinn á bæjarskrifstofuna til að taka þátt og skrá þriggja manna lið til leiks. Heyrst hefur einmitt að bæjarstjórinn okkar hafi nýlega reynslu af sjósundi í Þorlákshöfn.

Bæjarskrifstofan er síðan hvött til þess að skora á annað fyrirtæki í bæjarfélaginu til að taka þátt í keppninni.