By Hafnarfréttir 
Leikfélag Ölfuss frumsýnir verkið Saumastofuna eftir Kjartan Ragnarsson þann 8. febrúar næstkomandi. Leikstjóri að þessu sinni er Guðfinna Gunnarsdóttir en hún hefur starfað með Leikfélagi Selfoss frá barnsaldri og er starfandi formaður Bandalags íslenskra leikfélaga. Níu leikarar taka þátt í sýningunni en það eru þau Álfheiður Østerby Christensen, Árný Leifsdóttir, Ásta Margrét Grétarsdóttir, Daníel Máni Óskarsson, Erla Dan Jónsdóttir, Ingólfur Arnarson, Jónheiður Ísleifsdóttir, Magnþóra Kristjánsdóttir og Róbert Karl Ingimundarson. Frumsýning verður föstudaginn 8. febrúar í Versölum. Miðasala í síma 692-0939 milli kl. 17-20 og á midasalalo@gmail.com. Miðaverð kr. 2500.
Frumsýning föstudaginn 8. febrúar kl. 20:00
2. sýning sunnudaginn 10. febrúar kl. 20:00
3. sýning þriðjudaginn 12. febrúar kl. 20:00
4. sýning föstudaginn 15. febrúar kl. 20:00
5. sýning sunnudaginn 17. febrúar kl. 20:00
6. sýning þriðjudaginn 19. febrúar kl. 20:00
7. sýning föstudaginn 22. febrúar kl. 20:00
8. sýning sunnudaginn 24. febrúar kl. 20:00