Eins og margir eru meðvitaðir um þá sýnir Leikfélag Ölfus nú Saumastofuna eftir Kjartan Ragnarsson í leikstjórn Guðfinnu Gunnarsdóttur.
Sýningin var frumsýnd fyrir fullu húsi 8. febrúar og fullt hefur verið á allar 11 sýningarnar síðan þá og orðið uppselt á lokasýninguna föstudaginn 29. mars. Leiksýningin hefur hlotið mikil og góð viðbrögð sem endurspeglast í þessari góðu gagnrýni sem birtist á Leiklist.is.
Þegar upp er staðið munu því um 600 manns hafa lagt leið sína í Versali að sjá Leikfélag Ölfuss þetta leikárið og óhætt er að óska þeim til hamingju með þennan árangur og láta sér hlakka til næstu sýningar.
