By Hafnarfréttir 
Í sumar kom Kiwanisklúbburinn Ölver færandi hendi og færði Leikskólanum Bergheimum veglegt svampkubbaleiksett að gjöf. Leiksettið hentar öllum nemendum leikskólans og kemur til með að nýtast vel í salnum okkar góða til íþróttaiðkunar og annarra leikstunda.
Færðu þeir okkur einnig 5 segulkubbasett sem hafa notið gríðarlegra vinsælda hjá nemendum leikskólans.
Auk þess færði Kiwanisklúbburinn okkur 60 stk af vasaljósum síðasta vetur sem voru vel nýtt í skammdeginu og einmitt sá tími að koma aftur þar sem vasaljós geta verið skemmtilegt leikefni.
Færum við Kiwanismönnum bestu þakkir fyrir þessar gjafir.
Fyrir hönd Bergheima
Nemendur og starfsfólk
