Fótboltasumarið er ný hafið hjá Ægismönnum en þeir eru komnir áfram í bikarnum eftir sigur um helgina og nú styttist óðum í fyrsta leik í 3. deildinni.
Hafnarfréttir verða með leikmannakynningar á leikmönnum Ægis fyrir deildarkeppninna sem hefst 12. maí þar sem þeir verða spurðir spjörunum úr. Stefnt verður að því að kynna þrjá leikmenn í einu og gefur hér að líta fyrstu þrjá og að sjálfsögðu er byrjað á fyrirliða liðsins.
Þorkell Þráinsson
Þorkell Þráinsson er næst leikjahæsti leikmaður núverandi hóps Ægis og einungis 22 ára að aldri með 116 leiki fyrir félagið. Þorkell hefur skorað í þessum 116 leikjum 10 mörk en það gerir hann einnig að næst markahæsta núverandi leikmanni félagsins. Þorkell er fyrirliði liðsins og spilar sem varnarmaður.
Gælunafn: Keli
Aldur: 22
Hjúskaparstaða: Á föstu
Hvenær lékstu þinn fyrsta leik með meistaraflokki: 1. maí 2011 samkvæmt KSÍ
Uppáhalds matsölustaður: Krua thai
Hvernig bíl áttu: Hyundai gets/getz er ekki viss hvort það er
Uppáhalds sjónvarpsþáttur: Workaholics
Mest óþolandi leikmaður sem þú hefur mætt: Pálmi Ásbergs gerði ekkert annað enn að grenja áður enn hann kom í Ægi
Bestur í reit: Sveinki (Sveinbjörn Jón Ásgrímsson)
Ef þú fengir að velja einn leikmann úr öðru íslensku liði í þitt lið: Ingva rafn
Hver er mesti höstlerinn í liðinu: Hoody
Í hverju varstu/ertu lélegastur í skóla: Samfélagsfræði
Ef þú fengir að velja einn gamlan Ægismann til að spila með liðinu aftur í dag hver yrði fyrir valinu: Yrði gaman að sjá Ingvar Jóns, Sæla Jóns eða jafnvel Bjarna Má Valdimars með comeback
Sturluð staðreynd um sjálfan þig: Ég er bindindismaður!
Atli Rafn Guðbjartsson
Atli Rafn er 18 ára miðjumaður sem hefur leikið 11 leiki fyrir Ægi. Atli á enn eftir að skora fyrir félagið en mörkin verða sennilega ófá í framtíðinni. Atli er að koma til baka eftir löng og erfið meiðsli og er frábært að sjá þennan spræka miðjumann aftur í Ægisbúningnum.
Gælunafn: Rattlesnake
Aldur: 18 ára
Hjúskaparstaða: Einhleypur
Hvenær lékstu þinn fyrsta leik með meistaraflokki: Byrjun árs 2015 minnir mig
Uppáhalds matsölustaður: Roadhouse
Hvernig bíl áttu: Á ekki bíl.
Uppáhalds sjónvarpsþáttur: Breaking Bad
Mest óþolandi leikmaður sem þú hefur mætt: Ekki hugmynd
Bestur í reit: Þorkell Þráinsson
Ef þú fengir að velja einn leikmann úr öðru íslensku liði í þitt lið: Will Daniels
Hver er mesti höstlerinn í liðinu: Óli Red
Í hverju varstu/ertu lélegastur í skóla: Náttúrufræði
Ef þú fengir að velja einn gamlan Ægismann til að spila með liðinu aftur í dag hver yrði fyrir valinu: Aron Taktur
Sturluð staðreynd um sjálfan þig: Ég get borðað endalaust
Pálmi Þór Ásbergsson
Pálmi er bakvörður/kantmaður sem hefur leikið 46 leiki fyrir meistaraflokk Ægis. Pálmi á enn eftir að skora í keppnisleik. Pálmi kom til félagsins aftur fyrir tímabilið í ár eftir að hafa verið hjá Árborg síðustu 3 ár.
Gælunafn: Pulli
Aldur: 23
Hjúskaparstaða: Einhleypur
Hvenær lékstu þinn fyrsta leik með meistaraflokki: Held að það var 2014
Uppáhalds matsölustaður: Rikki Chan
Hvernig bíl áttu: Toyota Auris
Uppáhalds sjónvarpsþáttur: Friends
Mest óþolandi leikmaður sem þú hefur mætt: Ingþór Björgvins eða Ölli í Hamri
Bestur í reit: Ragnar Olsen
Ef þú fengir að velja einn leikmann úr öðru íslensku liði í þitt lið: Guðmundur Friðriksson
Hver er mesti höstlerinn í liðinu: Pétur Smári
Í hverju varstu/ertu lélegastur í skóla: Lífeðlisfræði
Ef þú fengir að velja einn gamlan Ægismann til að spila með liðinu aftur í dag hver yrði fyrir valinu: Það myndi vera MB 10 „Matthías Björnsson“ eða Kónginn Ársæl Jónsson
Sturluð staðreynd um sjálfan þig: Er fáranlega góður í steinn, skæri, blað.
