By Hafnarfréttir 
Enginn sýni greindust jákvæð af þeim 200 sem tekin voru í skólanum á þriðjudag. Einn einstaklingur greindist þó með Covid 19 í gær, sá var í sóttkví og er smitið rakið til hópssmits á vinnustað.
Nú á fimmtudagskvöldi eru því 14 einstaklingar í Þorlákshöfn í einangrun með Covið 19 og 99 í sóttkví.
Í fyrramálið verður önnur skimun í skólanum og hefst hún kl.9. Þá verða nemendur og starfsfólk grunnskólans sem eru í sóttkví skimaðir öðru sinni.
Þeir sem finna til minnstu einkenna geta einnig bókað sig í skimun og valið Selfoss sem skimunarstað, líkt og á þriðjudag.
Þetta kom fram í tilkynningu frá Elliða Vignissyni, bæjarstjóra nú í kvöld.