By Hafnarfréttir 
Mikill viðbúnaður er við nýja gámasvæðið í Þorlákshöfn og búið að loka af fyrir umferð.
Sprengjuleitarsveit Landhelgisgæslunnar er á svæðinu með mikinn búnað og eru samkvæmt heimildum Hafnarfrétta að aftengja mögulega sprengju sem fannst á svæðinu í morgun þegar starfsmenn mættu til vinnu.
Ennþá er um óstaðfestar upplýsingar að ræða og munum við uppfæra fréttina ef nýjar fregnir berast.
Uppfært:
Torkennilegi hluturinn sem fannst á nýja gámasvæðinu reyndist vera eftirlíking af sprengju.