By Hafnarfréttir 
Ægismenn sóttu 5. deildar lið Smára heim í Mjólkurbikar karla í dag. Leikurinn fór fram í Fífunni í Kópavogi. Dimitrije Cokic skoraði fyrsta mark Ægismanna um miðjan fyrri hálfleik og Bjarki Rúnar Jónínuson bætti svo tveimur mörkum við og staðan var 3-0 í hálfleik fyrir Ægi. Brynjólfur Þór Eyþórsson skoraði tvö mörk í seinni hálfleik og Atli Rafn Guðbjartsson rak svo endahnútinn á 6-1 sigur Ægismanna á 88. mínútu. Þeir hafa þannig tryggt sér sæti í 32. liða úrslitum Mjólkurbikarsins.