Slæmt tap í botnbaráttuslag

 Slæmt tap í botnbaráttuslag

Knattspyrnufélagið ÆgirÆgir tapaði í þýðingarmiklum leik  fyrr í kvöld fyrir Gróttu 0-3.

Í fyrri hálfleik skiptust liðin á að sækja, en mikið þóf einkenndi fyrri hálfleikinn og ekkert alvöru færi leit dagsins ljós.

Hlutirnir áttu svo sannarlega eftir að breytast í síðari hálfleik.

Leikurinn byrjaði mjög fjörlega í síðari hálfleik og strax eftir rúmlega 30 sekúndur átti Haukur Már skalla yfir markvörð Gróttu og virtist boltinn ætla að leka yfir línu gestanna, en þá náði Selfyssingurinn knái Guðmundur Marteinn  að renna sér fyrir boltann á marklínunni og ekkert varð úr.

Eftir þennan mikla atgang við mark gestanna gengu Gróttumenn á lagið og nýttu sér sofandihátt í vörn Ægis og uppskáru þrjú mörk sem heimamenn færðu þeim á silfurfati á fyrstu 12 mínútum síðari hálfleiks.

Erfitt reyndist fyrir Ægir að brjóta vörn Gróttu á bak aftur og gestirnir sigldu sigrinum þægilega í höfn eftir þennan skelfilega kafla heimamanna.

Með sigrinum komst Gróttu upp fyrir Ægir í töflunni, en núna situr Ægir í 10.sæti með 8 stig.

Næsti leikur Ægis er gegn sterku liði HK þriðjudaginn 2..júlí á Kópavogsvelli.

 

Fyrri