Sólríkur sjómannadagur

Google+ Pinterest LinkedIn Tumblr +

Það var líf og fjör á bryggjunni á sjómannadaginn og mikil þátttaka í dagskrá björgunarsveitarinnar, enda veðrið með besta móti.
Það voru bátarnir Jóhanna og Jón á Hofi sem sigldu með gesti út fyrir Þorlákshöfn og að venju var boðið upp á gos og súkkulaði um borð. Þegar þeir komu aftur í höfn tók við dagskrá þar sem mikil eftirvænting ríkti fyrir sjó-boðsundskeppninni sem var nýr dagskráliður. Það var lið Smyril Line sem sigraði en keppnin var æsispennandi og áhorfendur supu reglulega hveljur enda eitthvað um magaskelli og svakalegar dýfur.

Það var fullt út úr dyrum á kaffihlaðborði björgunarsveitarinnar og hlaðborðið svignaði undan veitingum sem gestir gæddu sér á yfir fallegum tónum Örnu Daggar Sturludóttur og Aðalbjargar Halldórsdóttur.

Venju samkvæmt hófst dagurinn á sjómannadagsmessu sem var sérstök að því leiti að um síðustu hefðbundnu messu Sr. Baldurs var að ræða. Kirkjugestum var boðið upp á kaffi og nýbakaðar kleinur að því tilefni.

Hafnarstjórinn tekur á móti Jón á Hofi
Sjóbrettin frá Jaðarsport vöktu mikla lukku
Sjó-boðsundskeppendurnir og spenntir áhorfendur
Júlíana og Grétar kepptu bæði í sjó-boðsundinu
Pálmi stekkur af stað fyrir lið slátturvélagengisins
Fólk kom sér fyrir þar sem hægt var, enda fjölmennt á bryggjunni
Grétar á leiðinni ofan í
Hilmar keppti fyrir sigurlið Smyril line
Þeir eru sennilega ekki margir skólastjórarnir sem myndu láta hafa sig út í þetta, en það gerir Ólína Þorleifsdóttir skólastjóri Grunnskólans í Þorlákshöfn!
Jón á Hofi og Jóhanna
Halldór og Gísli lögðu blómakrans að minnisvarðanum um drukknaða og horfna sjómenn
Sr. Baldur Kristjánsson eftir sína síðustu hefðbundnu messu í Þorlákskirkju
Kirkjukórinn söng Þjóðsönginn við minnisvarðann
Deila grein:

Lokað fyrir athugasemdir.