By Hafnarfréttir 
Halldóra Sigríður Sveinsdóttir var endurkjörin formaður stéttarfélagsins Bárunnar á aðalfundi félagsins sem haldinn var á Selfossi í fyrradag.
Mikill fjöldi fólks mætti á fundinn og þurftu sumir gestir að sætta sig við það að sitja fram á gangi en stærsta mál fundarins var kosning um formann Bárunnar.
Vernharður Stefánsson, mjólkurbílstjóri, bauð sig fram á móti Halldóru en svo fór að Halldóra hlaut yfirburða kosningu með 70 atkvæðum gegn 27 og var þar með endurkjörin til næstu tveggja ára.