Jarðskjálftahrina stendur yfir við Ölfusárósa um 5 kílómetra norðvestan við Eyrarbakka. Skjálftarnir eru vestan við svokallaða Krosssprungu eins og sjá má á meðfylgjandi mynd.
Frá því í gær er um 40 skjálfta að ræða á þessu svæði en stærsti skjálftinn mældist 2,5 stig upp úr kl. 13 í dag.
Í samtali við Mbl.is telur Martin Hensch, jarðskjálftafræðingur hjá Veðurstofu Íslands, ólíklegt að stærri skjálftar muni fylgja í kjölfarið en útilokar það þó ekki.
