By Hafnarfréttir 
Ölfus er landfræðilega mjög stórt sveitarfélag með ríflega 2.100 íbúum. Þéttbýliskjarninn er Þorlákshöfn en í dreifbýlinu er einnig blómleg byggð búskapar, hestamennsku og ferðaþjónustu.
Leitað er að einstaklingi sem hefur leiðtogahæfileika, stefnumótandi hugsun, áhuga á uppbyggingu samfélagsins, frumkvæði, metnað og mjög góða samskiptahæfileika.
Í boði er fjölbreytt og áhugavert samfélag, metnaðarfullt og faglegt vinnuumhverfi með tækifæri til að hafa áhrif á mótun sveitarfélagsins.
Starfssvið
- Framkvæmdastjórn sveitarfélagsins.
- Ábyrgð á stefnumótun og áætlunargerð.
- Ábyrgð á og stýring á daglegum rekstri.
- Samskipti við hagsmunaaðila.
- Framkvæmd á ákvörðunum bæjarstjórnar.
- Þátttaka í uppbyggingu sveitarfélagsins.
Menntunar- og hæfniskröfur
- Háskólamenntun sem nýtist í starfinu.
- Þekking og reynsla af fjármálum, stjórnun og rekstri.
- Þekking og reynsla af opinberri stjórnsýslu, einkum sveitarfélaga, er kostur.
- Reynsla af eftirfylgni stefnumótunar.
Umsókn um starfið þarf að fylgja ítarleg starfsferlisskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.
Umsóknarfrestur er til og með 2. júlí 2018
Sveitarfélagið Ölfus er í mikilli sókn. Íbúum fjölgar hratt og aðstaða fyrir fjölskyldufólk og börn í leik- og grunnskóla er framúrskarandi góð og það á einnig við um aðstöðu til íþrótta- og tómstundaiðkunar. Tækifæri til atvinnuuppbyggingar eru gríðarlega mikil á svæðinu, ekki síst fyrir tilstuðlan hafnarinnar í Þorlákshöfn og fjölbreyttra tækifæra í ferðaþjónustu.
Nánari upplýsingar um sveitafélagið er að finna á www.olfus.is og á vef Capacent.
Hamingjan er hér!