By Hafnarfréttir 
Hljómsveitin Lith, með Þorlákshafnarbúanum Dötta innanborðs, sigraði tökulagakepnninni Gunna Þórðar en úrslitin voru kunngjörð á Rás 2 á laugardaginn.
Gunni Þórðar afhenti hljómsveitinni vinning frá Tónastöðinni, Græna hattinum og Senu og fór fögrum orðum um útgáfu þeirra á laginu Am I Really Livin’.
Dötti, sem heitir réttu nafni Hjörtur Rafn Jóhannsson, var mjög ánægður með úrslitin en sveitin sigraði bæði í netkosningu sem og hjá sérstakri dómnefnd.
„Ég vil koma á framfæri kærum þökkum til allra sem kusu lagið okkar í þessari keppni,“ segir Dötti léttur í bragði þegar Hafnarfréttir fengu viðbrögð hans við sigrinum.
Hlíða má á sigurlag þeirra Lith-manna hér að neðan. Þeir sem vilja kynna sér hljómsveitina betur geta litið við á Facebook síðu þeirra hér.