Róbert Karl Ingimundarson opnað glæsilega ljósmyndasýningu í Galleríinu undir stiganum í gær. Sýningin ber nafnið „Sól rís – sól sest“ og verður hún opin út október.
„Róbert Karl Ingimundarson er fæddur og uppalinn í Þorlákshöfn og hefur ætíð verið virkur í félagsstarfi í bænum og er meðal annars útgefandi bæjarblaðsins brosandi, Bæjarlíf sem er gefið út mánaðarlega. Ljósmyndun er eitt helsta áhugamálið hans og oftar en ekki má sjá hann með myndavélina á lofti að fanga réttu augnablikin. Sýningin „Sól rís – sól sest“ er fimmta ljósmyndasýningin hans í Galleríinu undir stiganum en hann hefur einnig verið með tvær aðrar sýningar með blýantsteikningum sínum“ segir á vefsíðu Sveitarfélagsins Ölfuss.
Á sýningunni eru tíu myndir af sólsetri eða sólarupprás og eru þær til sölu í eftirfarandi stærðum:
- 60x22cm – sýningarstærðin
- 80x30cm
- 100x37cm
- 120x45cm
Sýningin er opin á opnunartíma bókasafnsins en vakin er athygli á breyttum opnunartíma bókasafnsins en það er opið alla virka daga frá kl. 12:30 – 17:30.
