Ægir semur við Björgvin Frey

Knattspyrnufélagið Ægir hefur komist að samkomulagi við Björgvin Frey Vilhjálmsson um að taka við þjálfun meistarflokks karla næstu tvö tímabil.

Björgvin er fæddur 1979 og hefur leikið á sínum fótboltaferli með KR, ÍR, Fylki og Víkingi ásamt því að spila eitt tímabil í dönsku 1 deildinni. Hann tók við Þrótti Vogum um mitt síðasta sumar og náði góðum árangri þar.

Markmið Knattspyrnufélagsins Ægis eru skýr fyrir næstu tvö árin en stefnan er að sjálfsögðu sett upp á ný í 2.deild á samningstímanum.