By Hafnarfréttir 
Knattspyrnulið Ægis vann feiknar góðan 4-1 sigur á liði Einherja í Þorlákshöfn í dag.
Jonathan Hood skoraði fyrsta mark Ægismanna á 7. mínútu, Guðmundur Garðar bætti við öðru á 24. mínútu og Þorkell kom Ægismönnum í 3-0 á 35. mínútu.
Gestirnir frá Vopnafirði minnkuðu muninn í 3-1 á 82. mínútu leiksins en Hood fullkomnaði öruggan sigur Ægis þegar 2 mínútur lifðu af venjulegum leiktíma.
Frábær sigur í höfn og Ægismenn safna dýrmætum stigum þessa dagana en sitja þó enn í 7. sæti. Næsti leikur Ægis er heimaleikur gegn Þrótti Vogum 10. ágúst.