By Hafnarfréttir 
Jesse Pellot Rosa mun ekki leika meira með liði Þórs í Domino’s deildinni í körfubolta. Leikmaðurinn meiddist fyrr á tímabilinu og náði hann sér aldrei almennilega á meiðslunum en í hans stað kom DJ Balentine.
„Jesse er drengur góður og hefur lagt mikið á sig við að reyna að ná fullri heilsu aftur en því miður hefur hann ekki náð að beita sér almennilega í rúman mánuð og ekki fyrirséð hvenær hann kæmist á fullt aftur. Félagið þakkar honum samstarfið og óskar honum góðs gengis í framtíðinni,“ segir í tilkynningu Þórsara.
Þá verður Snorri Hranfkelsson frá í einhvern tíma en hann greindist með einkirningasótt fyrir síðustu helgi. „Erfitt er að segja til um hversu lengi Snorri verður frá en við vonumst náttúrulega eftir þvi að sjá hann í slagnum aftur sem fyrst, og vonandi að það verði snemma á nýju ári þó erfitt sé að segja til um tíma,“ segir í tilkynningunni.