By Hafnarfréttir 
Í dag, sunnudaginn 6. desember, verða ljósin tendruð á jólatrénu á ráðhústorginu fyrir framan ráðhúsið.
Viðburðurinn hefst klukkan 18:00, en þá mun lúðrasveitin spila nokkur jólalög. Skólakórar Grunnskólans í Þorlákshöfn munu leiða fjöldasöng og síðan flytur Kári Hafsteinsson, forseti Kiwanis stutt ávarp og telur í ljósin með börnunum.
Kiwanismenn með stuðning Landsbankans munu bjóða upp á heitt súkkulaði og piparkökur og jólasveinar ganga með gestum í kringum jólatréð.
Allir eru hjartanlega velkomnir og í raun hvattir til að taka þátt í gleðinni.