By Hafnarfréttir
„Kæru vinir, nú er komið að því! Fyrsti samlestur vetrarins hjá Leikfélagi Ölfuss verður þann 4. september kl. 20:00 í Bæjarbókasafni Ölfuss.
Í vetur ætlum við að setja upp glænýtt leikrit eftir engan annan en Aðalstein okkar Jóhannsson, meðlim í LÖ. Það nefnist Einn rjúkandi kaffibolla og er gamanleikrit. Leikstjóri verður F. Elli Hafliðason en hann hefur um árabil starfað með Leikfélagi Selfoss og hefur meðal annars stigið á svið með LÖ.
Allir sem eru 18 ára og eldri hvattir til að mæta á samlestur þann 4. september í Bókasafninu. Þetta verður algjörlega magnaður vetur!“
Kær kveðja,
Árný Leifsdóttir