By Hafnarfréttir 
Í kvöld fer fram leikur Þórs og Skallagríms í Dominos deild karla í körfubolta í Icelandic Glacial höllinni í Þorlákshöfn.
Þórsarar gerðu góða ferð á Ásvelli í síðustu umferð og unnu þar sanngjarnan sigur á Haukum. Fyrir þann leik höfðu Haukar einungis tapað fyrir Stjörnunni sem Skallagrímur vann einmitt í síðustu umferð og má því fastlega reikna með hörku leik í kvöld.
Leikurinn hefst að venju klukkan 19:15 og er tilvalið að skella sér á völlinn þennan fína föstudag.