By Hafnarfréttir 
Þórsarar lögðu land undir fót í dag og spiluðu við Tindastól á Sauðárkróki. Leikurinn var æsispennandi og sigraði Þór leikinn 78-80.
Leikurinn var nokkuð jafn og í leikhlé var staðan 38-32. Okkar menn komu sterkir inn í síðari hálfleik og náðu forustunni, 54-55, fyrir síðasta leikhlutann.
Seinustu mínútur leiksins voru æsispennandi þar sem bæði lið hefðu getað tryggt sér sigur en úrslitin réðust ekki fyrr en á loksekúndum leiksins þegar Tindastólsmenn klikkuðu á skoti. Okkar menn sigruðu því leikinn 78-80 eins og fyrr segir.
Stigahæsti leikmaður Þórsara var Vance Hall með 34 stig.